Divisional Secretariat - Kattankudy - பிரதேச தினக் கூட்டம் -2023

காத்தான்குடி பிரதேச செயலகத்தின் 2023 ஆம் ஆண்டிற்கான எட்டாவது பிரதேச தினக் கூட்டமானது 2023.12.12ஆந் திகதி செவ்வாய்க்கிழமை பிரதேச செயலாளர் உ.உதயசிறிதர் அவர்களது தலைமையில் பிரதேச செயலக மாநாட்டு மண்டபத்தில் இடம் பெற்றது.

சென்ற கூட்டத்தின் போது காத்தான்குடியில் காணப்படும் இரண்டு தோணாக்களில் கழிவுகள் கொட்டப்படுவதாகவும் மழைநீர் வழிந்தோடுவதற்கு தடையாக உள்ளதாகவும் , தெரிவிக்கப்பட்டதற்கமைவாக தோணாக்கள் சுத்தம் செய்யப்பட்டுள்ளதாக நகரசபையினால் தெரிவிக்கப்பட்டது.

மேலும் சிறுவர் பராமரிப்பு இல்லத்திலுள்ள சிறுவர்களை பாடசாலையில் கல்வி கற்பதற்கு அனுமதி மறுக்கப்படுவதாகவும். சிறுவர் இல்ல சார்பாக தெரிவிக்கப்பட்டது.

இது தொடர்பாக உடனடியாக பொலிசிற்கு சென்று முறைப்பாடு செய்யுமாறு பிரதேச செயலாளரால் தெரிவிக்கப்பட்டது.

காத்தான்குடியில் குட்வின் சந்திக்கு அருகாமையில் அமைக்கப்பட்டுள்ள வீதியோரக் கடைகளை அகற்றவும், container கடைகளை குறிப்பிட்ட நேரத்தில் திறந்து மூடுவதற்கு நடவடிக்கை எடுக்குமாறும் பிரதேச செயலாளரிடம்காத்தான்குடி பொலிசாரினால் தெரிவிக்கப்பட்டது.

அத்துடன்

பிரத்தியேக வகுப்புகளுக்கு செல்லும் போது மாணவிகளை இளைஞர்கள் கிண்டல் செய்வதாகவும் அவர்களை பொலிஸ் கைது செய்து நடவடிக்கை எடுக்குமாறும் பொலிசாரிடம் மக்களால் கோரிக்கை விடுக்கப்பட்டுள்ளது.

மேலும் UC Road, மற்றும் RDD Road ஆகிய வீதிகளில் நடைபாதைகளில் வியாபாரிகள் வியாபாரம் மேற்கொள்வதால் பாதசாரிகளுக்கு அசௌகரியங்கள் ஏற்படுவதாகவும் அதனை அகற்றுவதற்கு நடவடிக்கை எடுக்குமாறும் தெரிவிக்கப்பட்டது.

தற்போது மழை காலங்கள் என்பதனால் டெங்கு பரவும் அபாயம் காணப்படுவதால் அரச நிறுவனங்கள் மற்றும் திணைக்களங்களில் டெங்கு பரவும் இடங்களை சுத்தம் செய்யுமாறும் பிரதேச செயலாளரால் கேட்டுக் கொள்ளப்பட்டது.

மேலும் பிரதேச மட்டத்திலுள்ள திணைக்களங்களின் பிரச்சனைகள் தொடர்பாக பிரதேச செயலாளரால் கலந்துரையாடப்பட்டது.

இக்கூட்டத்தில் பிரதித் திட்டமிடல் பணிப்பாளர் திருமதி.எஸ்.தனுஜா நிருவாக கிராம உத்தியோகத்தர் எம்.எம்.எம்.ஜரூப் மற்றும் கிராம உத்தியோகத்தர்கள் பிரதேச மட்டத்திலுள்ள திணைக்களங்களின் தலைவர் செயலாளர்கள், பிரதேச செயலக உத்தியோகத்தர்கள் ஆகியோர் கலந்து கொண்டனர்.