Divisional Secretariat - Kattankudy

சமுர்த்தி பயனாளிகளுக்கு 5000 ரூபா கொடுப்பனவு வழங்கும் நடவடிக்கை காத்தான்குடி பிரதேச செயலகப்பிரிவில் ஆரம்பிக்கப்பட்டது. கொவிட் 19 அனர்த்த நிலைமை காரணமாக பாதிக்கப்பட்ட குடும்பங்களுக்கு 5000 ரூபா கொடுப்பனவு வழங்கும் நடவடிக்கையை காத்தான்குடி பிரதேச செயலாளர் யு.உதயஸ்ரீதர் அவர்களால் 12.04.2021 திங்கட்கிழமை ஆரம்பித்து வைக்கப்பட்டது.

அரசாங்கத்தினால் நாடு éராகவும் மேற்கொள்ளப்படும் அந்த வேலைத்திட்டம் தொடர்பாக காத்தான்குடி பிரதேச செயலகப்பிரிவில் சமுர்த்தி அபிவிருத்தி உத்தியோகத்தர்கள் மற்றும் 18 கிராம உத்தியோகத்தர்களுக்கு அறிவுரை வழங்கும் கூட்டமும் 12.04.2021 திகதி பிரதேச செயலாளர் தலைமையில் மாநாட்டு மண்டபத்தில் இடம் பெற்றது.

இதில் உதவிப்பிரதேச செயலாளர் திருமதி.எம்.எஸ்.சில்மியா,கணக்காளர் கே.சித்திரா,சமுர்த்தி தலைமையக முகாமையாளர் திருமதி.பத்மா ஜெயராஜ்,உட்பட சமுர்த்திப்பிரிவு அபிவிருத்தி உத்தியோகத்தர்கள்,கிராம உத்தியோகத்தர்கள் கலந்து கொண்டனர்.

இதையடுத்து 5000 ரூபா கொடுப்பனவு வழங்கும் நடவடிக்கையை பிரதேச செயலாளர் யு.உதயஸ்ரீதர் அவர்களால் முதலில் 164A, மற்றும் 166A ஆகிய பிரிவுகளில் ஆரம்பித்து வைக்கப்பட்டது.

வானவில் பசுமை உற்பத்தித் திறன் குழுவினரால் 3R முறைமையினைப் பயன்படுத்தி Covid – 19 நிவாரணப்பணிகளின்போது வெளியேற்றப்பட்ட காட்போட் பெட்டிகளைப் பயன்படுத்தி கோவைகளை வைப்பதற்கான File holders தயாரிக்கப்பட்டு அவை கிராம உத்தியோகத்தர்களுக்கு வழங்கி வைக்கும் நிகழ்வு 05-06-2021 அன்று விதாதா வள நிலையத்தில் பிரதேச செயலாளர் உ.உதயஸ்ரீpதர் தலைமையில் இ;டம்பெற்றது.

இந்நிகழ்விற்கு நிருவாக உத்தியோகத்தரும் உற்பத்தித்திறன் ஒருங்கிணைப்பாளருமான திருமதி.SJM.ஐலால்தீன் மற்றும் பசுமை உற்பத்தித்திறன் குழுத்தலைவர் திருமதி.பு.ஐங்கரன் மற்றும் ஏனைய குழு உறுப்பினர்களும் கலந்து கொண்டனர்.
 

காத்தான்குடி பிரதேச செயலகத்தின் நிர்வாகக் கிளையில் கடந்த 2021.2.10ம் திகதி புதன்கிழமை அன்று பிற்பகல் 3:15 மணி அளவில் முதலுதவிப் பயிற்சி ஒன்று இடம்பெற்றது. இப்பயிற்சியை திருமதி P.சிந்துஜா அவர்கள் வழங்கியிருந்தார். இதன்போது அவசரமானதும் அவசியமானதுமான முதலுதவியை எவ்வாறு மேற்கொள்வது? முதலுதவியின் நோக்கம் என்ன? முதலுதவி பயிற்சியை பெறுவதனால் கிடைக்கும் நன்மைகள் எவை? முதலுதவி பெட்டியில் உள்ள பொருட்கள் எவை? பொருட்களின் பாவனை முறை என்ன? போன்ற பல முக்கியமான விடயங்கள் கலந்துரையாடப்பட்டன.

இத் தரவலையத் திட்டமானது அலுவலக உற்பத்தித்திறன் ஒருங்கிணைப்பாளரும் நிர்வாக உத்தியோகத்தருமான திருமதி SJM.ஜலால்தீன் அவர்களின் ஆலோசனைக்கு அமைவாக இடம்பெற்றிருந்தது. இதன்மூலம் தங்கநிலா தரவளைய சகல அங்கத்தவர்களும் முதலுதவியின் அவசியம் மற்றும் புதிய பயன்பாடுகள் தொடர்பில் அறிவூட்டல் பெற்றுக்கொண்டமையும் சிறப்பம்சமாகும்.

இளம் தொழில் முயற்சியாளர்களுக்கு ஒரு லட்சம் காணித் துண்டுகளை வழங்கும் தேசிய நிகழ்ச்சித்திட்டம் எமது காத்தான்குடி பிரதேச செயலகத்தில் 29/3/2021 தொடக்கம் 31/3/2021 வரையான காலப்பகுதியில் ஒரு ஏக்கர் அல்லது ஒரு ஏக்கருக்கு குறைவான அளவில் காணிகளை கோரி விண்ணப்பித்த விண்ணப்பதாரர்களுக்கு நேர்முகத்தேர்வு நடைபெறுகின்றது

இடம் - பிரதேச செயலக மாநாட்டு மண்டபம்

தலைமை - பிரதேச செயலாளர்

நேரம் - முற்பகல் 9 மணி தொடக்கம் பிற்பகல் 4 மணிவரை

இதில் உதவி பிரதேச செயலாளர், உதவி திட்டமிடல் பணிப்பாளர், பயன்பாட்டுத் திட்டமிடல் உத்தியோகத்தர், விவசாய போதனாசிரியர், காணி உத்தியோகத்தர் மற்றும் அபிவிருத்தி உத்தியோகத்தர் போன்றோர் கலந்து கொண்டனர்.

காத்தான்குடி பிரதேச செயலகத்தில் நிர்வாக கிளையில் தங்க நிலா உற்பத்தித் திறன் தர வளையத்தில் 2020 ஆம் ஆண்டிற்கான ஒரு திட்டமாக இச் சஞ்சிகை கடந்த 2020. 12.02ம் திகதி திங்கட்கிழமை அன்று காலை 10 மணிக்கு நிர்வாக கிளையில் பிரதேச செயலாளரும் அலுவலக உற்பத்தித் திறன் மேம்பாட்டு குழுத் தலைவருமான திரு U.உதயஸ்ரீதர் அவர்களினால் வெளியிட்டு வைக்கப்பட்டது.

இந்நிகழ்வின்போது உற்பத்தித் திறன் ஒருங்கிணைப்பாளர் திருமதி SJM. ஜலால்தீன், ஏனைய சகல தரவளைய தலைவர்கள், மற்றும் உற்பத்தித்திறன் அங்கத்தவர்கள் கலந்து கொண்டனர். இச்சஞ்சிகையை ஆக்கும் திட்டமானது தங்க நிலா உற்பத்தித்திறன் தரவளைய தலைவரான திரு MIM.பாயிஸ் அவர்களின் முன்மொழிவுக்கு அமைய திருமதி M.இர்பானா, திருமதி B.பௌசானா, திருமதி F.ஸனீரா மற்றும் செல்வி ஜதுஷிகா ஆகியோர் சஞ்சிகை ஆக்க குழு நடவடிக்கைகளில் ஈடுபட்டனர். அத்துடன் இச்சஞ்சிகையின் பிரதிகள் தரவளைய தலைவர், பிரிவு தலைவர்களுக்கு வழங்கி வைக்கும் நிகழ்வும் இடம்பெற்றமை குறிப்பிடத்தக்கது.