ප්‍රාදේශීය ලේකම් කාර්යාලය - කාතන්කුඩි

காத்தான்குடி பிரதேச செயலகத்தின் 2026 ஆம் ஆண்டிற்கான இரண்டாம் காலாண்டிற்கான கணக்காய்வு மற்றும் முகாமைத்துவ குழுக் கூட்டமானது 2026.06.10ம் திகதி புதன்கிழமை பிற்பகல் 2.00 மணியளவில் பிரதேச செயலாளர் திருமதி.நிஹாரா மௌஜூத் அவர்களது தலைமையில் பிரதேச செயலக மாநாட்டு மண்டபத்தில் நடைபெற்றது.

இக்கூட்டத்திற்கு பிரதம உள்ளகக் கணக்காய்வாளர் திரு. ஏ.எஸ். சசிகரன் மற்றும் கணக்காய்வு அத்தியட்சகர் திரு.ரொபர்ட் அலோசியஸ் ஆகியோர் கலந்து கொண்டு தங்களது கருத்துக்களையும் ஆலோசனைகளையும் முன்வைத்தனர்.

மேலும் கணக்காளர் ஏ.ஆர்.அஹமட் முப்லி அவர்களால் கணக்கறிக்கைகள், உள்ளக கணக்காய்வு பிரிவு அறிக்கை என்பன விளக்க காட்சிகள் (Presentation) மூலம் தெளிவுபடுத்தப்பட்டது.

அத்துடன் இந் நிகழ்விற்கு பிரதேச செயலகத்தின் நிறைவேற்றுத்தர உத்தியோகத்தர்கள்,
பதவி நிலை உத்தியோகத்தர்கள், கிளைத்தலைவர்கள்,பதவி நிலை உதவியாளர்கள், மற்றும் விடய உத்தியோகத்தர்கள், ஆகியோர் கலந்து சிறப்பித்திருந்தனர்.

இறுதியாக கணக்காளர் ஏ.ஆர்.அஹமட் முப்லிஅவர்களது நன்றியுரையுடன் கூட்டம் நிறைவு பெற்றது.

காத்தான்குடி பிரதேச செயலகத்தின் உற்பத்தித்திறன் மேம்பாட்டு நடவடிக்கைகளின் ஒரு பகுதியாக, காத்தான்குடி பிரதேச செயலகத்தின் உற்பத்தித்திறன் மேம்பாட்டு நடவடிக்கைகளின் ஒரு பகுதியாக, 
உற்பத்தித்திறன் விழிப்புணர்வு கருத்தரங்கும் திட்ட முன்மொழிவு தொடர் நடைமுறைப்படுத்தலும்,இடமாற்றம் பெற்று புதிதாக இணைந்த உத்தியோகத்தர்களுக்கான உற்பத்தித்திறன் கலாசாரம் மற்றும் E-Productivity System அறிமுகமும், உற்பத்தித்திறன் கருவிகள், நுட்ப முறைகள் மற்றும் தரவளைய கருத்திட்டம் தொடர்பான நடைமுறைப்படுத்தலும்எனும் தலைப்புகளில் செயலமர்வு 2026.06.04 ஆம் திகதி வியாழக்கிழமை முற்பகல் 9.00 மணி முதல் 12.00 மணி வரை நடைபெற்றது.
இச்செயலமர்வு உதவி பிரதேச செயலாளர் அவர்களின் தலைமையில் உற்பத்தித்திறன் அபிவிருத்தி உத்தியோகத்தர் திருமதி. வசந்தினி குலரெத்தினம் அவர்களால் வழிநடத்தப்பட்டது. செயலமர்வில் அலுவலக மற்றும் கள உத்தியோகத்தர்கள் பங்கேற்று, உற்பத்தித்திறன் மேம்பாடு, சேவை வழங்கலில் தொழில்நுட்பத்தின் பயன்பாடு, E-Productivity System இன் செயற்பாடு மற்றும் தரமான நிர்வாக நடைமுறைகள் தொடர்பான அறிவுறுத்தல்களைப் பெற்றுக்கொண்டனர்.
மேலும், புதிதாக இணைந்த உத்தியோகத்தர்களுக்கு பிரதேச செயலகத்தில் நடைமுறையில் உள்ள உற்பத்தித்திறன் கலாசாரம், நிர்வாக ஒழுங்குகள் மற்றும் மின்னணு சேவை முகாமைத்துவ முறைகள் தொடர்பாக விளக்கங்கள் வழங்கப்பட்டதுடன், எதிர்கால செயற்பாடுகளை மேலும் திறனுள்ளதாக முன்னெடுப்பதற்கான வழிகாட்டல்களும் வழங்கப்பட்டன.
இந்நிகழ்வு உத்தியோகத்தர்களின் அறிவு, திறன் மற்றும் உற்பத்தித்திறனை மேம்படுத்துவதற்கான பயனுள்ள செயலமர்வாக அமைந்தது.

காத்தான்குடி பிரதேச அபிவிருத்தி குழுக் கூட்டம் பிரதேச அபிவிருத்தி குழு தலைவரும் பாராளுமன்ற உறுப்பினருமான   கந்தசாமி பிரபு தலைமையில் காத்தான்குடி  பிரதேச செயலக மாநாட்டு மண்டபத்தில் ( 05) இடம்பெற்றது.

 காத்தான்குடி நகர சபை எதிர்க்கட்சி உறுப்பினர்களுக்கான அழைப்பு தொடர்பாக எழுந்த சர்ச்சையினால் ஆரம்பத்தில் காரசாரமான விவாதம் இடம்பெற்றதுடன் அதனைத்தொடர்ந்து இதுவிடயமாக தெளிவு படுத்தப்பட்டபின் இக்கூட்டம் ஆரம்பமானது.

கல்வி, சுகாதாரம், போக்குவரத்து, அபிவிருத்தி திட்டங்கள் ,தோணா கால்வாய்  விடயம், மத்திய கல்லூரி மதில் உடைப்பு விவகாரம்,  இலங்கை மின்சார சபை, ஆதார வைத்தியசாலை ,ஆயுர்வேத வைத்தியசாலை, அஸ்வசும ,சமுர்த்தி வாழ்வாதார திட்டம் ,இலங்கை போக்குவரத்து சபை தொடர்பாக இக்கூட்டத்தில்  கலந்துரையாடப்பட்டன.

பண்முகப்படுத்தப்பட்ட நிதியூடாக மேற்கொள்ளப்பட்ட கட்டடங்கள், அபிவிருத்தி திட்டங்கள், வாழ்வாதார திட்டங்கள் தொடர்பாகவும்,சுற்றுலா படகுச்சேவை  மற்றும் எதிர்காலத்தில் மேற்கொள்ளப்படவுள்ள அபிவிருத்திகள் தொடர்ப்கவும் இதன்போது அதிகாரிகளால் விளக்கமளிக்கப்பட்டன.

 இக்கூட்டத்தில் பாராளுமன்ற உறுப்பினர் எம். எல். ஏ .எம். ஹிஸ்புழ்ழா ,பிரதேச செயலாளர் நிஹாறா மௌஜூத் ,கிழக்கு மாகாண ஆளுநரின் இணைப்புச் செயலாளர் அப்துல்லாஹ் ,தேசிய மக்கள் சக்தி காத்தான்குடி இணைப்பளர் பிர்தௌஸ் நளீமி, நசீர்,  காத்தான்குடி நகர முதல்வர் எஸ். எச். எம். அஸ்பர் ,பிரதேச செயலக பதவி நிலை உத்தியோகத்தர்கள்,நகர சபை செயலாளர்,நகர சபை உறுப்பினர்கள் , திணைக்கள தலைவர்கள் உட்பட பலர் கலந்துகொண்டனர்.

"போதையற்ற ஒரு நாடு -  செழிப்பான ஒரு நாளை" எனும் தலைப்பில் சர்வதேச புகைத்தல் மற்றும் போதை எதிர்ப்பு தினம் நேற்று (31) காத்தான்குடி பிரதேச செயலகப்பிரிவில் சமுர்த்தி சமுதாய அடிப்படை வங்கி முன்றலில் இடம்பெற்றது.

உதவிப்பிரதேச செயலாளர் எம். எஸ். சில்மியா தலைமையில் இடம்பெற்ற இந்நிகழ்வில்

போதையால் ஏற்படும் பாதிப்புக்கள் தொடர்பாகவும் எமது பிள்ளைகள் தொடர்ந்து கண்காணிக்கப்பட வேண்டியதன் அவசியத்தையும்  காத்தான்குடி அல் அக் ஷா பள்ளிவாயல் பிரதம பேஷ் இமாம் மௌலவி எம். இல்ஹாம் (பலாஹி) நிகழ்த்தினார்.

எமது மாவட்டத்தில் போதை தடுப்பு பயிற்சி மையம் அமைக்கப்பட்டுள்ளதாகவும் இதனை பயன்படுத்தி போதை வஸ்த்து பாவனையை குறைப்பதற்காக அனைவரும் ஒத்துழைப்பு வழங்குமாறும் பிரதேச செயலக தேசிய அபாயகர ஔடதங்கள் ஒழிப்பு உத்தியோகத்தர் திரு சந்திரகாந்தன் உரை நிகழ்த்தினார்.

உதவிப்பிரதேச சேயலாளர் தனதுரையில் கொடி தினத்தின் மூலம் கூடுதலான நிதிகளை சேகரித்து எமது பிரதேசத்தில் கல்விக்காகவும் சமூக சேவைப்பணிக்காகவும் இதை பயன்படுத்த முடியும் எனவும் தனதுரையில் தெரிவித்தார்.

சமுர்த்தி தலைமையக முகாமையாளர் திருமதி எஸ்.எப். ஆர். பரீட், சமுர்த்தி சமுதாய அடிப்படை வங்கி முகாமையாளர்களான எம் .ஏ .எம் .சுல்மி, எஸ் எச் .எம். முஸம்மில், சமுர்த்தி அபிவிருத்தி உத்தியோகத்தர்கள் , சமுர்த்தி சமுதாய அடிப்படை அமைப்பு உறுப்பினர்கள் இந்நிகழ்வில் கலந்துகொண்டனர்

இந்நிகழ்வில்  சமுர்த்தி சமுதாய அடிப்டை அமைப்பு உறுப்பினர்களால் கொடி அணிவிக்கப்பட்டதுடன்  சமூக அபிவிருத்தி உத்தியோகத்தர் எம் அன்சார் நெறிப்படுத்தியிருந்தார். நன்றியுரையினை புதிய காத்தான்குடி வலய உதவியாளர் எம். எச். எம். அன்வர் நிகழ்த்தியமை குறிப்பிடத்தக்கது.