பிரதேச செயலகம் - காத்தான்குடி

காத்தான்குடி பிரதேச செயலகத்தின் 2023 ஆம் ஆண்டிற்கான இரண்டாம் காலாண்டிற்கான கணக்காய்வு மற்றும் முகாமைத்துவ குழுக் கூட்டமானது 2023.05.30 ஆந் திகதி செவ்வாய்க்கிழமை பிற்பகல் 2.30 மணியளவில் பிரதேச செயலாளர் திரு.உ.உதயசிறிதர் அவர்களது தலைமையில் பிரதேச செயலக மாநாட்டு மண்டபத்தில் நடைபெற்றது.

இக்கூட்டத்திற்கு பிரதம உள்ளகக் கணக்காய்வாளர் திருமதி.ஆர்.காயத்ரி ரமேஷ் அவர்கள் கலந்து கொண்டனர்.

இக்கூட்டத்தில் பிரதேச செயலாளரால் கணக்கறிக்கைகள், உள்ளக கணக்காய்வு பிரிவு அறிக்கை என்பன விளக்க காட்சிகள் (Presentation) மூலம் தெளிவுபடுத்தப்பட்டுள்ளதுடன் ஆலோசனைகளும், கருத்துக்களும் தெரிவிக்கப்பட்டது.

மேலும் இந் நிகழ்விற்கு பிரதேச செயலகத்தின் நிறைவேற்றுத்தர உத்தியோகத்தர்கள்,

பதவி நிலை உத்தியோகத்தர்கள், கிளைத்தலைவர்கள்,பதவி நிலை உதவியாளர்கள், மற்றும் விடய உத்தியோகத்தர்கள், ஆகியோர் கலந்து சிறப்பித்திருந்தனர்.

இறுதியாக கணக்காளர் செல்வி.கே.சித்ரா அவர்களது நன்றியுரையுடன் கூட்டம் நிறைவு பெற்றது.

சர்வதேச சுற்றாடல் தினத்தினை முன்னிட்டு 2023.05.30- 2023.06.05 ஆந் திகதி வரையிலான முழு வாரமும் சுற்றாடல் வாரமாக பிரகடனப்படுத்தப்பட்டுள்ளது.அந்தவகையில் இன்று 2023.05.30 செவ்வாய்க்கிழமை மரநடுகை தினமாகும்.அதனை முன்னிட்டு 18 கிராம உத்தியோகத்தர் பிரிவுகளிலும் மரநடுகை நிகழ்வு நடைபெற்றது.

அதன் ஆரம்ப நிகழ்வு 166A,164,167C,167A ஆகிய கிராம உத்தியோகத்தர் பிரிவுகளில் நடைபெற்றது.

இந்நிகழ்விற்கு பிரதம அதிதிகளாக பிரதேச செயலாளர் திரு.உ.உதயசிறிதர் மற்றும் உதவிப் பிரதேச செயலாளர் திருமதி.எம்.எஸ்.சில்மியா ஆகியோர் கலந்து கொண்டு மரநடுகையினை ஆரம்பித்து வைத்தனர்.

மா, கொய்யா, அம்பெர்லா, மற்றும் தேசி,தோடை, ஆகிய மரக்கன்றுகள் தெரிவு செய்யப்பட்ட இடங்களில் நடப்பட்டுள்ளது.

இவ் நிகழ்விற்கு GSO,EDO,SDO,DCO,DO(Environment) , மற்றும் வெளிக்கள உத்தியோகத்தர்கள், பள்ளிவாயல் இமாம் பொதுமக்கள் எனப்பலரும் கலந்து கொண்டமையும் குறிப்பிடத்தக்கது.

கள உத்தியோகத்தர்களுக்கான முன்னேற்ற மீளாய்வுக் கூட்டமானது 2023.05.29 ஆந் திகதி திங்கட்கிழமை முற்பகல் 9.00 மணியளவில் பிரதேச செயலாளர் திரு.உ.உதயசிறிதர் அவர்களது தலைமையில் பிரதேச செயலக மாநாட்டு மண்டபத்தில் நடைபெற்றது.

இக்கூட்டத்தில் 27ஆந் திகதி நடைபெற்ற நடமாடும் சேவையில் அதிகமான மக்கள் கலந்து கொண்டு சேவைகளை பெற்றுக் கொண்டமைக்காக அதனை திறம்பட ஒழுங்கமைத்த உத்தியோகத்தர்களுக்கு பிரதேச செயலாளரால் நன்றிகள் தெரிவிக்கப்பட்டது.

நலன்புரி நன்மைகள் வேலைத்திட்டத்தின் அனைத்து வேலைகளும் 2023.05.31 ஆந் திகதி நிறைவு பெறும் என உதவிப் பிரதேச செயலாளர் தெரிவித்தார்.

மேலும் உணவுப் பாதுகாப்பு ஆய்வுத் திட்டத்தினை மிக விரைவாக GNO,EDO,SDO,Dos அனைவரும் இணைந்து அதனை பூர்த்தி செய்யுமாறு பிரதேச செயலாளரால் கேட்டுக் கொள்ளப்பட்டது.

அதனைத் தொடர்ந்து மே 30 தொடக்கம் ஜூன் 05 வரை தேசிய ரீதியில் சுற்றாடல் வாரமாக பிரகடனப்படுத்தப்பட்டுள்ளதால் அனைத்து கிராம உத்தியோகத்தர் பிரிவுகளிலும் சுற்றாடல் பாதுகாப்பு நிகழ்வுகளை GNO,EDO,SDO,Dos மற்றும் கள உத்தியோகத்தர்ள் அனைவரும் பங்குபற்றுமாறும் தெரிவிக்கப்பட்டது.

அதனைத் தொடர்ந்து முதியோர் செயலக அபிவிருத்தி உத்தியோகத்தர்,SO,

YSO, WDO, ECDO, சமுதாயம் சார் சீர்திருத்த அபிவிருத்தி உத்தியோகத்தர், ஆகிய உத்தியோகத்தர்களிடம் தங்களின் வேலைகளின் முன்னேற்றங்கள் தொடர்பாக பிரதேச செயலாளரால் மீளாய்வு செய்யப்பட்டது.

இக்கூட்டத்திற்கு உதவிப் பிரதேச செயலாளர் திருமதி.எம்.எஸ்.சில்மியா, நிருவாக கிராம உத்தியோகத்தர் திரு.எம்.எம்.எம்.ஜரூப், சமுர்த்தி தலைமையக முகாமையாளர் திருமதி.பீ.ஜெயராஜ், மற்றும் வெளிக்கள உத்தியோகத்தர்கள் ஆகியோர் கலந்து கொண்டனர்.

காத்தான்குடி பிரதேச செயலக சிறுதொழில் முயற்சி அபிவிருத்தி பிரிவின் ஏற்பாட்டில் உள்ளூர் உற்பத்தி பொருட்களுக்கான பிரதேச மட்டத்திலான சிறு விற்பனை கண்காட்சியானது 2023.05.29 ஆந் திகதி திங்கட்கிழமை முற்பகல் 9.00 மணியளவில் பிரதேச செயலாளர் திரு.உ.உதயசிறிதர் அவர்களது தலைமையில் பிரதேச செயலக முன்றலில் நடைபெற்றது.

இவ்விற்பனை கண்காட்சியில் உள்ளூர் உற்பத்தியாளர்களின் பாதணிகள், இனிப்புப் பண்டங்கள், குழந்தைகளுக்கான கைவினைப் பொருட்கள், போன்ற பல்வேறு பொருட்கள் விற்பனை செய்யப்பட்டதுடன் பிரதேச செயலக உத்தியோகத்தர்கள் பெருமளவில் பொருட் கொள்வனவில் ஈடுபட்டிருந்தமை குறிப்பிடத்தக்கது.

இந் நிகழ்விற்கு உதவிப் பிரதேச செயலாளர் திருமதி.எம்.எஸ்.சில்மியா, நிருவாக உத்தியோகத்தர் திருமதி.எஸ்.ஜே.எம்.ஜலால்தீன், நிருவாக கிராம உத்தியோகத்தர் திரு.எம்.எம்.எம்.ஜரூப், மேலதிக மாவட்ட பதிவாளர் திரு.என்.கிருஸ்ணப்பிரியன், மற்றும் சிறு தொழில் முயற்சி அபிவிருத்தி உத்தியோகத்தர்களான திருமதி.பி.சிந்துஜா, திரு.எஸ்.சனோகாந், பிரதேச செயலக உத்தியோகத்தர்கள் ஆகியோர் கலந்து கொண்டனர்.

காத்தான்குடி சிறுதொழில் முயற்சி அபிவிருத்தி பிரிவின் ஏற்பாட்டில் தொழில் முயற்சியில் ஈடுபடும் தொழில் முயற்சியாளர்களுக்கு பொதியிடல் சம்பந்தமான பயிற்சியானது 2023.05.24 ஆந் திகதி பிரதேச செயலாளர் திரு.உ.உதயசிறிதர் அவர்களது தலைமையில் பிரதேச செயலக மாநாட்டு மண்டபத்தில் நடைபெற்றது.

இப்பயிற்சியானது பொதியிடல் தொடர்பான அறிமுகம், யுத்திகள், பொதியிடுவதற்கு தேவையான மூலப் பொருட்கள்,அவ் மூலப் பொருட்களை பெற்றுக் கொள்ளும் முகவர்கள் மற்றும் தொழில் முயற்சியாளர்களின் சந்தேகங்கள் என்பவற்றை வளவாளராக கலந்து கொண்ட திரு.எவ்.ரஜீவ் சங்கர் (IDB) கலந்து கொண்டு தெளிவுபடுத்தியிருந்தமை குறிப்பிடத்தக்கது.

மேலும் இப்பயிற்சிக்கு 20 சுய தொழில் முயற்சியாளர்கள் கலந்து கொண்டிருந்தனர்.

இறுதியாக பிற்பகல் 2.00 மணிக்கு சிறு தொழில் முயற்சி அபிவிருத்தி உத்தியோகத்தர் திரு.எஸ்.சனோகாந் அவர்களின் நன்றியுரையுடன் நிறைவு பெற்றது.